Gazeta Het Nieuwsblad po raporton se Kevin De Bruyne ka zhvilluar bisedime me klube të paidentifikuara në Arabinë Saudite për një lëvizje në fund të kësajkontrate me Manchester City.
Sipas raportimit, nëse mesfushori lëviz verën e ardhshme, ai mund të fitojë 150 milionë euro për dy vjet.
Gjatë Kampionatit Evropian, mesfushori kishte folur se si nuk do të përjashtonte një lëvizje në Lindjen e Mesme, duke qenë se kjo mund të ketë një ndikim të madh në familjen e tij për vitet në vijim.
Ekziston një lidhje personale midis lojtarit dhe ligës. Michael Emenalo është drejtori aktual i futbollit i Ligës Pro Saudite dhe ishte njeriu përgjegjës për nënshkrimin e De Bruyne nga Genk në 2012 kur ai punonte për Chelsean.
Çuditërisht, mesfushori bëri vetëm nëntë paraqitje për Chelsean. Pas 113 ndeshjeve për Genk, me 17 gola dhe 36 asistime, kalimi i tij në Angli rezultoi në një periudhë huazimi me Werder Bremen përpara se të bashkohej me Wolfsburg.
Pas 73 ndeshjeve në Gjermani për klubin, me 20 gola dhe 37 asistime, ai iu bashkua klubit aktual Manchester City.
Nëse ky është sezoni i tij i fundit me Cityn , ai mund të ndërtojë një rezyme të jashtëzakonshme me trofe dhe 102 gola me 170 asistime në 382 ndeshje, shkruan Onefootball.com
