Egnatia ka ndarë me ndjekësit e saj në rrjetet sociale, një lajm të rëndësishëm, bëhet fjalë për infrastrukturën.
Klubi rogozhinas bën me dije se vazhdon puna me ritme të shpejta për ndërtimin e tribunës karshi të stadiumit “Arena Egnatia”.
Gjithashtu bëhet me dije se gjatë ditëve në vazhdim do të nisë puna dhe për vendosjen e sistemit të ndriçimit.
Ndër të tjera presidenti i klubit Z.Demrozi, iu ka premtuar tifozëve të Egnatias, se “Arena Egnatia” nga sezoni i ardhshëm do të presë të gjitha ndeshjet e kompeticioneve europiane.
