Top golashënusi i Superligës së Kosovës sezonin e kaluar, Muhamet Hyseni ka debutuar në ligën e dytë të Danimarkës.
Mirëpo, ky debutim i ka lënë atij një shije të hidhur, pasi pësoi humbje qysh në ndeshjen e parë, edhe atë si vendas.
Ishte Fredericia që e mposhti Horsensin në shtëpinë e tij me shifrat 3-1, ndonëse këta të fundit dilnin në eprësi të parët.
Muhamet Hyseni u paraqit në ndeshje që nga minuta e 61-të e takimit.
23-vjeçari u vlerësua me notën prej 6.7 nga “FlashScore”.
Hyseni u transferua në Danimarkë nga Llapi për shumën e 650 mijë eurove.
