Reali ka prezantuar para pak ditësh Kilië Mbape në një ceremoni madhështore me 80 mijë të pranishëm në “Bernabeu”.
Ndërsa tani klubi i bardhë po bën gati prezantimin e radhës, që do të jetë Endrik, që e ka një datë dhe një orë. Këtë e ka zyrtarizuar klubi përmes një komunikate.
Fillimisht u spekulua se data e zgjedhur do të ishte e premtja, 26 korrik, por në fund nuk do të jetë ajo ditë.
Klubi i bardhë ka njoftuar se do të jetë një ditë më vonë, më 27 korrik, në orën 12:00, në stadiumin “Santiago Bernabeu”.
Fillimisht, presidenti i Realit, Florentino Perez, do të presë Endric në “Real Madrid City” për ceremoninë zyrtare të nënshkrimit që lidh lojtarin me klubin për gjashtë sezonet e ardhshme.
Pas prezantimit para publikut në stadiumin e Realit, braziliani do të flasë për mediat në sallën e konferencave.
