Pas firmës me Alvaro Moratën, Milani është hedhur në sulm edhe për gjermanin Fullkrug, teksa prej javësh po vijon negociatat me Borussian e Dortmundit, por së fundi situata është komplikuar.
Shkak është pikërisht Morata, që me kalimin e tij te Milani, la një vend bosh në sulmin e Atleticos së Madridit, me spanjollët që duan të “hakmerren” ndaj Milanit, duke marrë pikërisht Fullkrug për të zëvendësuar kapitenin e Spanjës.
Borussia e Dortmundit synon të arkëtojë të paktën 15 milionë euro për kartonin e 31-vjeçarit Fullkrug, teksa hyrja në garë e Atleticos së Madridit mund ta rritë edhe më shumë çmimin, pasi mund të krijojë një ankand interesant.
Los Colchoneros duken të bindur të sfidojnë Milanin për sulmuesin gjerman, pasi kanë mbetur të pakënaqur nga fakti që kuqezinjtë shmangën negociatat me ta për Moratën, duke paguar klauzolën dhe zgjidhur gjithçka me agjentët e sulmuesit spanjoll.
