Futbollisti Edmond Likaj largohet nga Liria e Prizrenit, për të përforcuar Vushtrrinë.
Kryetrajneri Armend Dallku synon që të përforcohet në të gjitha repartet që të rikthejë ekipin në shoqërinë e më të mirëve.
“FC Vushtrria ka kënaqësinë të mirëpresë transferin më të ri në ekip, mesfushorin defenziv Edmond Likaj!
21 - vjeçari i cili vjen nga qyteti i Prizrenit së fundmi ishte pjesë e FC Liria.
Mezi presim ta shohim në aksion dhe jemi të bindur se ai do të jetë një ndihmesë e madhe në mesfushë!”, njofton FC Vushtrria.
