Partizani luan sot në Maltë ndeshjen e kthimit të turit të parë të Ligës së Konferencës ndaj Marsashlok vendas.
Për skuadrën e drejtuar nga Orges Shehi, kualifikimi është një detyrim, ndonëse ekipi ka shfaqur një formë të dobët në ndeshjen e parë.
Edhe pse përballë ishte një skuadër që mendohej e një niveli të dobët, loja e Partizanit në ndeshjen e parë la për të dëshiruar, me sfidën në “Elbasan Arena’ që u mbyll me rezultatin 1-1.
Për ndeshjen e sotme, trajneri Orges Shehi ka bërë disa lëvizje në rreshtim, teksa nga minuta e parë në fushë janë Zguro, Zembene dhe Bintsuka, me Prekën, Rifën dhe Mba që kanë përfunduar në stol.
FORMACIONET ZYRTARE
MARSASHLOK: Drobnjak; Xheferson, Lopez, Raden, Aguirre, N. Muskat, Skikluna; Mikallef, Juri, Igor Guolarte, Aleks Tanke
Trajner: Uinston Muskat.
PARTIZANI: Qirko; Hadroj, Sembene, Bytyqi, Zguro, Buxhelaj; Murataj, Maget, Rrapaj; Cara, Bintsuka
Trajner: Orges Shehi.
