Tiago Mota revolucionon Juventusin. Një frazë e thatë dhe prerëse, e cila pasqyron një të vërtetë emocionuese për juventinët, të cilët mund të imagjinojnë një sistem loje alternative ndaj 4-2-3-1 që presin.
Në bashkëpunim të ngushtë me drejtorin teknik Kristiano Xhuntoli, tekniku i ri i Juves ka zhvilluar një modul të dytë që maksimizon potencialin e ekipit dhe redukton nevojat e merkatos, duke i shndërruar ato në opsione dhe jo në domosdoshmëri.
ÇFARË MODULI – Sipas “Tuttosport”, lajmi i vërtetë është se trajneri është gati të vendosë skuadrën edhe me sistemin e “pema e Krishtlindjeve”, pra 4-3-2-1, të njëjtin që ka përdorur shpesh edhe në Bolonjë.
Për më tepër, gjatë ndeshjeve në stolin kuqeblu, Mota shpesh kalonte në 4-3-3, një formacion që ai mund ta propozonte sërish në Torino nëse do të vinin prurjet e duhura. Në të dy sistemet, klasike 4-2-3-1 ose “Krishtlindjet” 4-3-2-1, prania e Kopmainers do të ishte thelbësore, për të cilin një ofensivë është e pashmangshme falë fondeve që mund të ketë klubi nga shitjet e Soulesë ose Kiezës.
MË OFENSIV – Prandaj, ne mund të presim një Juventus me rrota të përparme, me një ADN sulmuese që mund t’i lejojë Dusan Vlahovic të kapërcejë rekordin e tij të sezonit prej 29 golash, të marrë në vitin e transferimit të tij në Juventus: 20 me Fiorentinën dhe 9 me Juventusin. Deri më tani, rezultati i tij më i mirë nën Mole ishte 18 gola sezonin e kaluar.
Mota, i njohur për aftësinë e tij për të përshtatur rolet dhe sistemet e lojës, e udhëhoqi Bolonjën në Ligën e Kampionëve falë fleksibilitetit të tij taktik. Ky fleksibilitet, përveçse e mban të gjithë skuadrën gjithmonë gati, ofron edhe avantazhin e mosdhënies së disa pikave referuese për kundërshtarët, duke i detyruar ata të përballen me një sërë problemesh dhe jo vetëm një.
Diskutimet e gjata midis Motas dhe Xhuntolit, të cilat filluan në një video-telefonatë kur trajneri ishte me pushime në Portugali dhe kanë vazhduar tani në Kontinasa, po krijojnë një Juventus kameleon. Ky ekip do të jetë në gjendje të mbajë qëndrime të ndryshme taktike, duke maksimizuar burimet e tij për të marrë rezultatet më të mira të mundshme.
