Finalja e Europianit po afron dhe padyshim që pritet me më tepër ankth në Angli dhe në Spanjë ku në prag të përballjes flasin dhe ish lojtarë të famshëm të dy vendeve që do të diskutojnë trofeun kontinental. Borja Valero, foli për Spanjën e tij duke u shprehur.
“Na cilësojnë favoritë? Edhe ne spanjollët jemi shumë supersticiozë.
Më mirë të fluturojmë ulët, të jemi të qetë dhe të provojmë të tregojmë në fushë atë që kemi bërë deri tani. Kemi demonstruar se kemi një lojë me të vërtetë të bukur dhe efikase.
Më parë kishim shumë zotërim të topit, tani kemi një lojë më vertikale dhe lojtarë që dinë të zgjidhin situatat një për një, Kjo e De La Fuente është një kombëtare që është përmirësuar shumë.
Në krahun tjetër vlerëson Spanjën dhe ish sulmuesi i madh anglez Alan Shearer që padyshim shpreson në një sukses të kombëtares së Southgate.
“Do të përballemi me skuadrën më të mirë të turneut, që i ka fituar të 6 ndeshjet pa shkuar te penalltitë dhe ka treguar se është e jashtëzakonshme në gjithë atë që ka bërë, por ka ende motive për të menduar se kjo Angli mund të fitojë dhe të hyjë në histori.
Sa për t’ia nisur e dimë që Gareth dhe lojtarët e tij do të kenë besimin se mund t’ia dalin. Kanë thënë gjithmonë qartë se kanë shkuar aty për të fituar turneun, dhe ky besim nuk është lëkundur kurrë. Anglia ka lojtarë që mund ti bëjnë keq edhe Spanjës”.
