Vincenzo Iaquinta, kampion bote me Italinë në Gjermani 2006, u ndal te gara e madhe për fitimin e titullit kampion në sezonin e ri të Serie A.
Ish-sulmuesi vlerëson blerjen e Douglas Luiz nga Juventusi, ndërkohë që Napolin e Antonio Contes e cilëson ekip më të fortë sesa Milani i Fonsecas.
“Douglas Luiz është një blerje titulli, pasi është një brazilian që vjen nga Premier League. Ai ka treguar në Angli që di të bëjë gjithçka.
Një mesfushor total, i cili organizon lojën, përfshihet në sulm, dhuron asistime dhe shënon gola.
Pas Interit dhe Juventusit shoh Napolin e Contes kandidat për fitimin e Serie A. Napolin e vendos përpara Milanit.
Interi? Mbrojtja e titullit nis me të njëjtin trajner dhe pak a shumë të njëjtën skuadër. Inzaghi ka treguar se është një trajner i madh.
Mos të harrojmë faktin që ai mund të bazohet te Lautaro Martinez, sulmuesi më i mirë në Itali”.
