Është interesant një deklaratë e Dragan Xhajiqit para 11 viteve (më 30 maj, 2013) në lidhje me Kosovën.
Xhajiqi kishte folur pas idesë në vitin 2013 që të luhet një miqësore mes Kosovës dhe Serbisë.
Ndërsa sot ende nuk ka ndonjë deklaratë zyrtare të tij për planin e përbashkët mes FSHF-së dhe FSS-së, për organizimi e Euro 21 në vitin 2027.
Xhajiqi njihet si dinak dhe në heshtje kryen shumë punë.
"Kryetari i Federatës së Futbollit të Kosovës, Fadil Vokrri, ka prezantuar edhe një herë idenë e një takimi miqësor ndërmjet Serbisë dhe Kosovës.
Por edhe tani në Beograd, kjo nuk hasi në të njëjtin mendim”, ka shkruar më 30 maj të vitit 2013 një farë pamfleti serb “Kurir”.
Në atëkohë ishte kryetar i Cërvena Zvezdës, Dragan Xhajiqi, i cili e kishte shpjeguar në një intervistë për “Anadolu Agency” se pse një nismë e tillë thjesht nuk mund të ketë sukses.
“Është e logjikshme që Vokrri e dëshiron atë ndeshje, sepse do të thotë shumë për Kosovën.
Por, nuk ka kushte për të luajtur një ndeshje të tillë.
Nuk e di nëse do të ndodhë ndonjëherë, por në këtë moment thjesht nuk është. e mundur”, kishte thënë Xhajiq, që sot është kryetar i Federatës së Futbollit të Serbisë.
