Antonio Conte ka nisur nga puna me Napolin teksa trajneri ka detyrën e vështirë për të rikthyer të kaltërit në një skuadër kompetitive.
Në konferencë për shtyp. Conte deklaroi se nuk do jetë e lehtë pasi diferencat në sezonin e shkuar kundrejt kryesuesve ishin të mëdha dhe se jo gjithçka mund të përmbyset sa hap sytë.
“Në dy ditë punë është e vështirë të thuhet se do të përmbysim diferencat e sezonit të shkuar.
Ishte një diferencë e qartë, ishim 41 pikë larg Interit, deri në -15 nga vendi i pestë në Champions League, -10 nga skuadrat romane.
Ky është realiteti i fakteve. Parashikimet duhet të jenë të arsyeshme, përndryshe ne përfundojmë duke u bërë qesharakë.
Përveç kësaj diference, një lojtar simbol si Zielinski iku dhe forcoi Interin që e mbyll në +41 nga Napoli dhe për më tepër ne nuk e dimë si do të përfundojë merkato jonë.
Ka një marrëveshje, mund të humbasim Osimhen, më i forti, që bëri diferencën në vitin e titullit. Ne kemi për detyrë të përmirësoheni, të kthehemi në garë nga dera e përparme, ky është qëllimi real”, u shpreh Conte.
