Malisheva e ka nisur për mrekulli Conference Legauen, duke i shkaktuar humbje me rezultat 1:0 Buduçnostit të Podgoricës, në takimin e parë të rrethit të parë kualifikues.
Kryetrajneri i Malishevës, Qëndrim Kida, është i ngazëllyer për fitoren në debutim me Malishevën në garat evropiane. Malisheva me qetësi e pret sfidën e kthimit në kryeqytetin malazez.
“Fitore historike. Kemi arritur fitoren e parë në debutimin e parë në garat e Euro Conference League.
Kjo është një arritje e madhe për ekipin dhe një moment që do ta mbajmë mend gjatë!
Faleminderit të gjithëve për mbështetjen dhe besimin!
Përpara, për fitore të tjera!”, ka shkruar Kida.
