Pavarësisht se ka nisur Europianin në stol, mesfushori i Spanjës, Dani Olmo, është ndoshta një nga lojtarët më të kompletuar që ka pasur Spanja në dekadat e fundit.
Ylli i Lajpcigut në Bundesligë po arrin shifra historike në “Euro 2024”.
Organizatori i Spanjës tashmë është golashënuesi më i mirë i “La Roja”-s në Europian. Me tre gola dhe pesë asistime, ai ka barazuar spanjollin Fabregas, i cili i ka arritur këto shifra në 16 ndeshje.
Në fakt, nëse do të aplikohej një filtër prej të paktën dhjetë ndeshjesh të luajtura në Europian, Olmo do të kishte koeficientin më të mirë në histori. Sipas të dhënave të siguruara nga “Besoccer”, vetëm Platini, i cili shënoi nëntë gola në pesë ndeshje në Europianin 1984, i përmirëson këto shifra.
