Patrick Robson ishte një nga largimet e shumta të Tiranës në këtë merkato vere. Sulmuesi brazilian mbyll kështu aventurën e tij 2-vjeçare si bardheblu në të cilën luajti për 51 ndeshje duke regjistruar 15 gola e 7 asiste.
Një aventurë që u vështirësua jo pak nga dëmtimet e shumta dhe ai më i rëndi në fund të vitit të shkuar që e la për më shumë se 6 muaj jashtë fushave.
Me një postim në faqen e tij në Instagram, Patrick ka përshëndetur klubin dhe falenderon fansat për mbështetjen gjatë qëndrimit të tij në kryeqytet.
‘Faleminderit Tirona. Ishte kënaqësi të isha pjesë e ekipit më të madh në Shqipëri. Shumë faleminderit fansave për dashurinë e tyre’, shkruan Patrick.
