Skuadra e Deçiçit përqafon ngjyrat kuqezi, debate në Malin e Zi!
Ngjyrat kuqezi ndezin polemika në Malin e Zi.
Klubi i futbollit të Deçiçit, me seli në qytetin e Tuzit, që hyri në histori me fitimin e titullit kampion në vendin fqinj për herë të parë në histori, kanë vendosur të ndryshojnë simbolet e stemës, duke kaluar nga dominimi i blutë me të bardhën, tek e kuqja dhe e zeza.
Sigurisht që pjesa më e madhe e komentuesve e kanë mirëpritur këtë iniciativë, duke e quajtur madje edhe të vonuar, por ka edhe nga ata tifozë, që janë në minorancë dhe kryesisht me etni boshnjake, që nuk janë dakord me këtë ndryshim.
