Humbja turpëruese, trajneri mediton largimin! Presidenti e merr në telefon gjatë konferencës!
Skuadra letoneze e Liepajas u mposht ditën e sotme me rezultatin 1:5 në duelin ndaj Metas të vlefshme për javën e 20-të të kampionatit.
Trajneri i Liepajas, Tamaz Pertia e nisi konferencën për shtyp duke thënë se do të fliste me presidentin për të ardhmen e tij, duke lënë të hapur mundësinë e largimit pas rezultatit turpërues.
Pak minuta më vonë ai mori një telefonatë në mes të konferencës nga presidenti, i cili vendosi të konfirmonte trajnerin Tamaz Pertia, pavarësisht situatës aspak komode.
