Skuadra shqiptare Voska Sport e Ohrit, anëtar i elitës së futbollit të Maqedonisë së Veriut, ka bërë ndryshime në Shtabin Teknik.
“Përgatitjet i nisim me 27 qershor, në krye me trajnerin Seit Kreka.
Skuadra e Voska Sport do të nis përgatitjet për sezonin e ri garues 2024/25 për në Ligën e Parë të Maqedonisë së Veriut me 27 qershor në Ohër.
Këto përgatitje i nisim me shumë ndryshime në staf lojtarësh dhe trajnerësh, ku në sezonin e ri ekipin do ta udhëheq, Seit Kreka që deri më tani ishte ndihmës i shefit të stafit teknik, Srgjan Zaharievski.
Përveç, ndryshimit në pankinë, skuadra ka ndryshime edhe tek pjesa e lojtarëve, ku do të kemi krejtësisht formacion të ri në sezonin e ri garues.
Njëkohësisht, duam të falenderojmë të gjithë futbollistët, trajnerët dhe stafin tjetër të ekipit që kanë shërbyer dhe kanë dhënë kontribut për Voskën gjatë periudhës së kaluar, duke iu uruar suksese në vijim”, njofton FC Voska.
