“Që i vogël, isha ndryshe nga bashkëmoshatarët e mi, njerëzit vinin të më shikonin kur luaja futboll”, këto janë fjalët e “yllit” argjentinas, Lionel Messi, i cili ka rrëfyer karrierën e tij nga fillimi e deri më tani, në një intervistë për Clank.media.
Sigurisht nga gazetarët, nuk mund të mos përmendej edhe momenti i dhimbshëm, ai që pritet të ndodhë, largimi i Leo Messit nga futbolli i luajtur, një çast që do të jetë shumë i hidhur, për të gjithë sportdashësit anembanë botës, që kanë admiruar “magjinë” e tij me topin, megjithatë Messi “ka dribluar” me klas duke u ndalur sërish tek dhunatia e tij më e madhe: të luajturit futboll.
“Mund ta pranoj që Zoti më ka zgjedhur mua, për shkak të dhuntisë që kam.
Nuk kam bërë asgjë më shumë, për të qenë ky që jam sot. E di që s’më ka mbetur edhe shumë për të luajtur, kjo për shkak të moshës time”, theksoi ndër të tjera Lionel Messi.
