Zvonimir Boban është i bindur se Italia nuk do e ketë të lehtë në Leipzig të hënën!
Kroacia e sotme me Luka Modric tashmë gati 39 vjeç dhe një i afërm i largët i skuadrës që ka magjepsur futbollin botëror në pesëmbëdhjetë vitet e fundit, megjithatë, nuk duhet t'i lejojë italianët të flenë të qetë.
Italia e Luciano Spallettit nuk do ta ketë të lehtë në Leipzig të hënën për t'ia dalë mbanë, pavarësisht se ka dy rezultate nga tre në dispozicion.
Për këtë është i bindur Zvonimir Boban, asi i djeshëm i Milanit dhe i kombëtares kroate, sot menaxher sportiv dhe komentator në Sky. "Kroacia është thuajse në fund të një brezi që na ka dhënë kaq shumë dhe ka mundur të reagojë gjithmonë në momente vështirësie. Këtë herë nuk ka as energjinë dhe as freskinë e zakonshme që na ka habitur gjithmonë”.
“Por nuk do të jetë e lehtë për Italinë, besoj se në mesfushë Kroacia do ta mbajë topin, ajo që do të krijojë këtë herë është një histori tjetër pas dy ndeshjeve. Është një Kroaci mjaft sterile le të themi, se nuk e kishte idenë se si të sulmonte dhe çfarë të bënte, kjo është e çuditshme për një mesfushë që ka qenë gjithmonë magjike, tani le të shohim se çfarë do të ndryshojë trajneri ynë (Zlatko Dalić), ai vepron mirë”
