La Liga është e ardhmja e Jasir Asanit. Sulmuesi i djathtë i kombëtares shqiptare, do të largohet nga koreanët e Gwangju pas përfundimit të Euro 2024.
29-vjeçari shqiptar nga Shkupi, siç njoftoi SuperSport gjatë vitit të kaluar, ka arritur marrëveshjen me Las Palmas.
Ekip që garon në elitën e futbollit iberik.
AS raporton se bëhet fjalë për një kontratë 2-vjeçare, me përfaqësuesit e Asanit që kanë gjetur gjuhën e përbashkët me drejtuesit e Las Palmasit.
Edhe shtypi sportiv në Korenë e Jugut konfirmon gjithçka, duke raportuar se kalimi i shqiptari në Spanjë do të ndodhë pas përfundimit të Europianit.
Asani numëron 16 ndeshje me kombëtaren shqiptare, teksa në 4 raste ka dërguar topin në rrjetat kundërshtare falë goditjeve të tij mjeshtërore.
