Michel Platini, ish-presidenti i UEFA-s dhe ish-lojtari i Nancy, Saint-Étienne e Juventus, ka dhënë një intervistë për “Le Figaro”, duke përshkruar një skenar shqetësues për botën e futbollit: “Futbolli do të shpërthejë me vendimin e Gjykatës Evropiane të Drejtësisë, sipas të cilit FIFA dhe UEFA nuk kanë më monopolin e garave.
Do të ndodhë që shumë njerëz, si unë, të mos e pëlqejnë punën e FIFA-s dhe UEFA-s.
Sot janë vendet me shumë para që duan të investojnë: Katari, Arabia Saudite, Emiratet e Bashkuara Arabe. Ishte një gjë e mirë kur luhej me paratë që mund të krijonit midis të ardhurave dhe deficitit tuaj, por tani kjo është ndryshe”.
Kopa, Zidane dhe Mbappe, të gjithë shtyllat e futbollit francez janë edhe “fëmijët e emigracionit”:
“Kjo është edhe arsyeja pse po krijoj një muze në Jœuf. Refuzova të bëj një muze ‘Michel Platini’, më shumë doja një muze për emigracionin, futbollin, sportin. Unë jam një legjendë në Francë, për të rinjtë dhe jo aq. Pra, kam një detyrë korrektësie dhe të natyrës shembullore, sepse përfaqësoj diçka.
Dua ta pastroj emrin tim nga të gjitha akuzat e rreme (afera e pagesës së 2 milionë frangave zvicerane nga Sepp Blatter, atëherë president i FIFA-s, në vitin 2011, për një rol si këshilltar)”.
Cila do të jetë e ardhmja e tij: “Unë jam në pension, por kam shumë ide dhe projekte. Megjithatë, ato nuk kanë të bëjnë me rolet në klube apo institucione futbolli.
Kam parë në 40 vite se të gjithë drejtuesit e vendeve të Lindjes kishin posterët e mi në zyrat e tyre.
Ata nuk pritën me entuziasëm presidentin e UEFA-s, por Michel Platini, futbollistin, ose më saktë, ata e pritën presidentin e UEFA-s, por foton e bënë me… Michel Platini. Unë kam lindur në futboll, do të vdes në futboll”.
