Jo vetëm tifozët, takim miqësor mes futbollistëve të Kroacisë dhe Shqipërisë në fushën e lojës para sfidës!
Tifozët kroatë dhe ata shqiptarë kanë dhënë spektakël në Hamburg gjatë natës së mbrëmshme dhe sot, duke treguar se si duhet të jetë në të vërtetë atmosfera miqësore para ndeshjeve të futbollit.
Por një atmosferë po aq miqësore, kanë dhuruar edhe dy skuadrat para fillimit të takimit. Futbollistët shqiptarë kishin dalë në fushë prej pak minutash, kur aty kanë mbërritur edhe ato kroatë.
Të dy palët u përqafuan me shumë përzemërsi, duke llogaritur se shumë kanë luajtur në të njëjtat skuadra e njihen mirë, apo janë pjesë e të njëjtave ekipe edhe aktualisht.
