Sa më shumë që Milani bën pazare për komisionin e Joshua Zirkzeet, aq më shumë i lejon klubet e tjera të futen në garën për sulmuesin e Bolongas, pasi tani Manchester United po i bashkohet Juventusit dhe Arsenalit.
Milani me sa duket kishte marrë gjithçka nën kontroll me Zirkzeen, duke rënë dakord për kushtet personale me lojtarin dhe klauzolën e lirimit prej 40 milionë euro për kontratën e tij me Bolongan.
Megjithatë, “Rossonerët” po refuzojnë të paguajnë komisionin prej 15 milionë eurosh të kërkuar nga agjenti Kia Joorabchian dhe ditët e negociatave kanë kaluar pa zgjidhje.
Dje u raportua se Juventusi po kthehej në gjueti për Zirkzee, veçanërisht pasi gjiganti italian sapo ka emëruar ish-trajnerin e Bolongas, Thiago Motta.
Arsenali nuk e la kurrë interesin e tyre, por tani “Sky Sports Deutschland” sugjeron që Manchester United po e shton ndjekjen e tyre dhe do të kishte shumë pak shqetësime për pagesën e komisionit.
Zirkzee thuhet se e ka zemrën e tij te Milani, gjithashtu që të mund të punojë me heroin e tij Zlatan Ibrahimovic në stafin e tyre, por klubi historikisht ka refuzuar të paguajë komisione të tepruara për agjentët.
Joorabchian mendon se e meriton komisionin sepse është ai që mori klauzolën e lirimit prej 40 milionë eurosh të shkruar në kontratën e Bolongës, duke shkurtuar kështu 20 milionë euro nga tarifa e tij e transferimit.
