Strukturë fizike imponuese, pamje djallëzore në dukje dhe një jetë në kombëtare, pavarësisht se Europianin e fundit e ka jetuar në divan, me ndonjë birrë në duar.
E kemi fjalën për Martin Adam, qendërsulmuesi i Hungarisë së Marco Rossi, shpesh i shënjestruar në rrjetet sociale për një formë fizike që nuk është dukur gjithmonë në nivelin e detyrës. “Është çështje gjenetike”, – tha Adam, i cili iu përgjigj edhe fyerjeve të ndryshme të marra në internet.
Në mediat sociale u bënë “virale” fotot e sulmuesit të lindur në vitin 1994, në aksion kundër Zvicrës, në ndeshjen debutuese të “Euro 2024”, të cilën Hungaria e humbi me rezultatin 3-1. “Viktimë” trupit të shëndoshë, Adam iu përgjigj me një buzëqeshje të hidhur atyre që tentonin ta godisnin në botën virtuale:
“Po, lexova disa komente dhe dikush më goditi, por zakonisht qesh lehtësisht dhe bëj shaka. Unë kam lindur kështu, është forma e trupit tim që nuk mund ta ndryshoj. Nuk mund ta ndryshoj gjenetikën”.
