Ministria e Mbrojtjes e Rusisë tha se mbrojtja e saj ajrore rrëzoi të hënën 47 dronë ukrainas, që fluturuan mbi pesë rajone të saj, përfshirë brigjet e Detit të Zi dhe Detit Azov.
Agjencia e lajmeve RIA Novosti dhe zyrtarë rajonalë raportuan se rafineria e naftës Tuapse në rajonin Krasnodar është dëmtuar.
Administrata rajonale në Krasnodar tha se rafineria Tuapse, në pronësi të gjigantit rus të naftës Rosneft, mori flakë nga copat e dronëve.
Ministria e Mbrojtjes tha se shumica e dronëve u rrëzuan mbi rajonet Rostov, Belgorod, Voronezh, Smolensk dhe Krasnodar, ndërsa 17 u shkatërruan mbi det.
Ukraina nuk i komentoi këto pretendime.
Ky vend është nën pushtimin rus që nga shkurti i vitit 2022.
Që nga fillimi i këtij viti, kompani të shumta në sektorin e naftës në Rusi janë sulmuar me dronë, për ç’gjë njësitë e përpunimit primar të naftës kanë ndaluar së punuari në disa rafineri.
Siç raporton Reuters, në tremujorin e parë të këtij viti, së paku shtatë fabrika ruse kanë ndaluar prodhimin./REL
Zelensky po përballet me kohë ‘shumë të vështirë’ dhe rrezikon ‘vetëvrasjen politike’, thotë Klitschko
Volodymyr Zelensky do të përballet me një periudhë “shumë të vështirë” gjatë muajve të ardhshëm, ka paralajmëruar kryebashkiaku i Kievit.
Duke folur për gazetën italiane Corriere della Sera, Vitaliy Klitschko tha se presidenti ukrainas do të duhet të marrë vendime të vështira që mund të çojnë në “vetëvrasje politike”, shkruajnë mediat e huaja.
Ai paralajmëroi se Zelenskyy mund të duhet të nisë një referendum në Ukrainë nëse një kompromis territorial me Rusinë vihet në tryezë.
“Muajt e ardhshëm do të jenë shumë të vështirë për Volodymyr Zelensky”, citohet të ketë thënë ai.
“A do t’i duhet të vazhdojë luftën me vdekje dhe shkatërrime të reja, apo të shqyrtojë mundësinë e një kompromisi territorial me Putinin?”.
“Çfarëdo lëvizje që ai të bëjë, presidenti ynë rrezikon vetëvrasjen politike. Le të jemi të sinqertë, ne duhet ta fitojmë luftën, por situata po bëhet gjithnjë e më e vështirë. Kjo varet nga ndihma që vjen nga aleatët. Do të ishte një makth nëse na duhet të luftojmë edhe dy vite të tjera”.
Ukraina rrëzon 35 nga 39 dronët Shahed të lëshuar nga Rusia
Forcat ajrore të Ukrainës raportohet se kanë rrëzuar 35 nga 39 dronët Shahed të prodhimit iranian që Rusia lëshoi së fundmi.
Forcat ajrore njoftuan gjithashtu se Rusia ka lëshuar edhe tre raketa balistike Iskander-M dhe dy raketa lundrimi.
Ato pretenduan se raketat e lundrimit nuk arritën objektivat e tyre për shkak të “kundërmasave” të Ukrainës, por nuk përmendën se çfarë goditën raketat Iskander-M ose nëse ishte shkaktuar ndonjë dëm.
Siç raportohet, forcat ruse sulmojnë rregullisht zonat civile në të gjithë Ukrainën, por sulmet e tyre në rrjetin energjetik të Ukrainës janë intensifikuar muajt e fundit, shkruan euronews.
Kjo ka rezultuar në dëme të rënda në shumë objekte energjetike dhe ka detyruar Ukrainën të imponojë ndërprerje të gjata të energjisë elektrike.
Autoritetet ukrainase thanë se forcat ruse kanë filluar sulmet e tyre në tre lokacione, duke përfshirë rajonin rus të Kurskut, Primorsko-Akhtarsk – një qytet në Krasnodar Krai në bregun e Detit Azov – dhe Krimenë e pushtuar.
Diku tjetër në Ukrainë, të paktën dy persona u vranë dhe tre të tjerë u plagosën pas një sulmi me raketa ruse në rajonin verilindor të Kharkiv të vendit, tha guvernatori Oleh Syniehubov.
“Rusia dëshmon çdo ditë me terrorin e saj se presioni nuk mjafton”, tha presidenti ukrainas, Volodymyr Zelensky.
“Ky shkatërrim i jetës duhet të ndalet. Ne kemi nevojë për zgjidhje të reja për të mbështetur mbrojtjen tonë. Rusia duhet të ndjejë fuqinë e botës”, shtoi ai.
Zelensky bën thirrje për armë me rreze të gjatë pasi Rusia sulmon territoret ukrainase me dronë dhe raketa
Presidenti ukrainas, Volodymyr Zelensky, ka përsëritur thirrjet që vendet t’i ofrojnë Ukrainës armë me rreze të gjatë, pasi Rusia nisi një sulm me dron dhe raketa gjatë natës.
“Aftësitë tona të mjaftueshme me rreze të gjatë duhet të jenë një përgjigje e drejtë ndaj terrorit rus”, tha presidenti ukrainas.
Ai tha se dispozitat janë të nevojshme për të shkatërruar bombarduesit rusë në bazat ajrore dhe për të mbrojtur Ukrainën nga sulmet.
Zelensky gjithashtu rinovoi thirrjen e tij për aleatët perëndimorë që të lejojnë sulme me rreze të gjatë ndaj Rusisë gjatë një vizite në Mbretërinë e Bashkuar, shkruan skynews.
Ai i kërkoi kryeministrit Keir Starmer të përpiqet të bindë partnerët e tij që të heqin kufizimet në përdorimin e armëve.
Ndryshe, anëtarët e NATO-s kanë marrë qasje të ndryshme se si Ukraina mund të përdorë armët që ata ia dhurojnë.
Disa e kanë bërë të qartë se Kievi mund t’i përdorë ato për të goditur objektivat brenda Rusisë, ndërsa SHBA-ja ka marrë një qasje më të ngushtë, duke lejuar që armët e saj të përdoren në objektiva ushtarake brenda kufirit rus.
Nga sulmi i fundit rus në Kherson kanë mbetur të plagosur gjashtë persona.
Policia Kombëtare e Ukrainës tha se trupat e Moskës kanë granatuar rajonin jugor me artileri, mortaja, tanke dhe drone.
