LIVE: Beteja për qytetin ukrainas u kushtoi shtrenjtë rusëve, zbulohen humbjet e “përgjakshme” të ushtarëve të Putinit

Deri Ukraina por edhe e tërë bota u shqetësua nga fushata ruse për ta marrë nën kontroll qytetin industrial Avdiivka në lindje të Ukrainës që filloi në tetor, ushtria ruse dërgoi njësi tjera në lindje të qytetit tjetër ukrainas – Novomykhailivka.

Në po të njëjtën kohë rusët morën nën kontroll atë çfarë mbeti nga Avdiivka në mes të prillit, dhe tashmë kanë marrë edhe Novomykhailivkan.

Por beteja gjashtë mujore për Novomykhailivkas ishte e përgjakshme dhe i kushtoi shumë shtrenjtë rusëve.

NOVOMYKHAILIVKA THREAD PART I

Russian strategic advance in Pokrovsk have started at 10.10.23. They deployed 3 CA to capture Avdiivka and all our attention was there.

But there was one more big battle. The Battle for Novomykhailivka that costed them 300 armed vehicles.

🧵👇 pic.twitter.com/IFLgNnbJeP

— Kriegsforscher (@OSINTua) July 14, 2024

Vlerësohet se Rusia humbi mbi 40 mijë ushtarë, dhe mbi 1 mijë automjete u janë sekuestruar gjatë tentativës për ta marrë nën kontroll Avdiivkan.

Ndërkohë rreth Novomykhailivkas, rusët humbën mbi 300 automjete, ku dronët ukrainas arritën t’i shkatërrojnë në fushëbetejë.

Operatori rus i energjisë bërthamore, Rosenergoatom, tha se ka mbyllur një njësi të termocentralit bërthamor të Rostovit, për shkak të një “alarmi të rremë”.

Për pasojë, rreth 1 milion njerëz në Rusinë jugore dhe në pjesë të Krimesë së okupuar mbetën pa energji elektrike.

Kompania nuk specifikoi se çfarë e shkaktoi aktivizimin e mekanizmit mbrojtës.

Por, në një deklaratë të publikuar në Telegram, Rosenergoatom tha se Njësia N1 është mbyllur më 16 korrik “për shkak të një alarmi të rremë”.

Rosenergoatom nuk dha detaje për shkaqet e “alarmit të rremë”.

Termocentrali bërthamor i Rostovit, i njohur gjithashtu si termocentrali bërthamor i Volgodonskut, ka katër njësi me një kapacitet total prej më shumë se 4.000 megavatesh.

Ai gjendet në bregun e majtë të lumit Don, pranë qytetit Volgodonsk, rreth 1.100 kilometra në jug të Moskës.

Muajve të fundit, Ukraina – infrastruktura energjetike e së cilës është goditur vazhdimisht nga ushtria ruse prej se ajo ka nisur pushtimin e saj në shkurt të vitit 2022 – ka shënjestruar po ashtu objektet ruse të energjisë, kryesisht rafineritë e naftës dhe ato që punojnë për ushtrinë ruse.

Në Krime, autoritetet pushtuese thanë se ndërprerjet e vazhdueshme të energjisë elektrike në rajon, janë pasojë e valës së të nxehtit.

Rreth 42.000 njerëz janë aktualisht të zhdukur në Ukrainë, tha të mërkurën një zyrtar i Ministrisë së Brendshme.

Dmytro Bohatiuk, i cili udhëheq Departamentin e personave të zhdukur të kësaj ministrie, tha se shifra përfshin ushtarë dhe civilë.

Rusia nisi pushtimin në shkallë të plotë të Ukrainës në shkurt të vitit 2022.

Mijëra njerëz janë vrarë në sulme, ndërsa miliona janë zhvendosur nga shtëpitë e tyre.

Rreth një e pesta e Ukrainës është e pushtuar nga Rusia.

Bohatiuk tha se më herët llogariteshin mbi 51.000 të zhdukur, por se në këtë shifër u përfshinë edhe mijëra të burgosur të luftës.

Bohatiuk tha se një sfidë tjetër për vendin është identifikimi i të vrarëve në fushëbetejë.

Ai tha se Ministria e Mbrojtjes nuk merr mostra gjenetike të ushtarëve që i dërgon në terren.

Kremlini reagoi me kujdes dje ndaj deklaratave të presidentit ukrainas, i cili një ditë më parë tregoi i hapur ndaj bisedimeve me Moskën për herë të parë që nga pranvera 2022, duke përmendur praninë e Rusisë në një samit të ardhshëm të paqes. Të hënën, Volodymyr Zelensky tha se ishte në favor të pjesëmarrjes së Moskës në samitin e ardhshëm, pas konferencës së paqes për Ukrainën të organizuar në mes të qershorit në Zvicër. Në atë kohë, dhjetëra liderë botërorë morën pjesë në konferencë, por Rusia nuk ishte e ftuar.

“Samiti i parë i paqes nuk ishte aspak një samit i paqes, kështu që padyshim që së pari duhet të kuptojmë se çfarë do të thotë zoti Zelenski me këtë”, tha zëdhënësi i presidencës ruse, Dmitry Peskov, në një intervistë për kanalin televiziv Zvezda.

Zelensky tha më parë se në nëntor, muaji kur mbahen zgjedhjet presidenciale në SHBA, ai dëshiron të paraqesë një “plan” për një “paqe të drejtë”, pas pothuajse dy vjet e gjysmë të një konflikti të madh që ka rezultuar në qindra e mijëra viktimave. Ai tha gjithashtu se do të dëshironte që “përfaqësuesit rusë” të merrnin pjesë në samitin e ardhshëm të paqes në Ukrainë, data e të cilit ende nuk është përcaktuar. Pothuajse 20 për qind e territorit ukrainas është ende në pushtimin rus dhe perspektivat për një armëpushim janë minimale.

Por kjo është hera e parë që nga negociatat e dështuara në pranverën e vitit 2022 dhe pas sulmit rus ndaj Ukrainës më 24 shkurt që Volodymyr Zelensky ka hedhur idenë për të biseduar me Moskën pa kërkuar më parë tërheqjen e Rusisë nga territori ukrainas. Ukraina përsërit rregullisht dëshirën e saj për të rifituar sovranitetin mbi të gjitha territoret e pushtuara, përfshirë gadishullin e Krimesë, i aneksuar në vitin 2014.

Kievi dhe Praga kanë arritur marrëveshje për të prodhuar së bashku pushkë dhe municione brenda Ukrainës, kanë bërë të ditur kryeministrat e dy vendeve të martën, pas diskutimeve që kanë zhvilluar në Republikën Çeke.

Ukraina ka punuar në jetësim të industrisë së re të armëve, për të kufizuar varësinë ndaj ndihmës ushtarake të Perëndimit, prej kur ka nisur pushtimi rus në tokën e saj më 2022.

“Sot ne kemi arritur marrëveshje të rëndësishme, në mes tjerash, edhe në industrinë e mbrojtjes. Në Ukrainë do të ndërtohet një fabrikë e re fishekësh”, ka thënë kryeministri i Ukrainës, Denys Shmygal, në një konferencë për media.

“Marrëveshja e dytë është që kompania çeke Colt CZ Group të prodhojë pushkë në Ukrainë”, ka thënë ai në një konferencë të përbashkët me homologun e tij çek, Petr Fiala.

“Ukraina synon dhe ka potencial të bëhet arkë armësh për botën e lirë dhe ne jemi mirënjohës ndaj Republikës Çeke për mbështetjen në këtë drejtim”, ka thënë Shmygal.

Kompania çeke Colt CZ Group ka thënë përmes një deklarate se, njësiti i saj Sellier & Bellot do të bashkëpunojë me kompaninë ukrainase Ukroboronprom për prodhim të disa “llojeve të municioneve të kalibrit të vogël në Ukrainë”.

Ministrja çeke e Mbrojtjes, Jana Çernohova ka thënë se një pjesë e prodhimit do të kryhet në Republikën Çeke ndërsa Ukraina do të jetë përgjegjëse për zhvillim.

Ajo ka thënë se në bisedimet e së martës janë përmendur edhe trajnimet e ushtarëve ukrainas në tokën çeke.

Çernohova ka thënë paraprakisht se vendi i saj planifikon të trajnojë rreth 4.000 ushtarë ukrainas këtë vit.

Republika Çeke ka ofruar mbështetje të madhe humanitare dhe ushtarake për Ukrainën, pas nisjes së luftës.

Lufta në Ukrainë ka nisur më 24 shkurt të vitit 2022.

Presidenti rus, Vladimir Putin e quan luftën “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre.

Ushtari i parë rus që shkatërron një nga avionët luftarakë F-16 të prodhuar nga SHBA-të që vendet perëndimore do t’ia dorëzojnë Kievit, do të marrë një shpërblim të konsiderueshëm, ka njoftuar kompania private ruse Fores.

Prodhuesi i mjeteve qeramike ka paguar më parë shifra parash për pajisjet perëndimore të marra nga ushtria ruse.

SHBA, Belgjika, Danimarka, Norvegjia dhe Holanda janë zotuar t’i ofrojnë ushtrisë ukrainase të paktën 60 F-16 deri në fund të këtij viti. Në fillim të korrikut, qeveria holandeze njoftoi se transferimi i avionëve të parë nga një grup prej 24 ishte i afërt.

“Do të ketë një shpërblim për shkatërrimin e avionëve luftarakë F-15 dhe F-16”, tha zëvendës CEO i Fores, Ilya Potanin, në një video të publikuar nga Ministria Ruse e Mbrojtjes të martën.

Shpërblimi për avionin e parë të rrëzuar do të arrijë në 15 milionë rubla (170,000 dollarë), deklaroi ekzekutivi, duke shtuar se plane të tilla u konfirmuan nga CEO i kompanisë së tij në Forumin Ekonomik Ndërkombëtar të Shën Petersburg (SPIEF) në fillim të kësaj vere.

Ministri i Jashtëm rus Sergej Lavrov mbërriti në Nju Jork të martën për të marrë pjesë në seancat e Këshillit të Sigurimit të OKB-së më 16 dhe 17 korrik gjatë presidencës ruse, e cila filloi më 1 korrik

“Delegacioni i Sergej Lavrov ka mbërritur në Nju Jork për të marrë pjesë në mbledhjet e Këshillit të Sigurimit të OKB-së nën presidencën ruse”, tha zëdhënësja e Ministrisë së Jashtme Maria Zakharova në Telegram.

Më vonë sot, Lavrov do të kryesojë një debat në nivel ministror të titulluar “Bashkëpunimi shumëpalësh për formimin e një rendi botëror më të drejtë, demokratik dhe të qëndrueshëm”.

Të mërkurën, ai do të drejtojë një takim ministror mbi situatën në Lindjen e Mesme, duke përfshirë çështjen palestineze, sipas një deklarate të veçantë nga ministria.

Ministri i Jashtëm do të angazhohet gjithashtu në një sërë takimesh dypalëshe për të diskutuar çështje ndërkombëtare dhe rajonale, duke përfshirë Lindjen e Mesme dhe situatën në Gaza, krizën e Ukrainës dhe përpjekjet për të mbrojtur Kartën e OKB-së.