Policia e Mbretërisë së Bashkuar ka arrestuar një 34-vjeçar, pasi ishte shpallur në kërkim për lënien e dy valixheve me mbetje njerëzore në një urë në Anglinë perëndimore.
Autori i dyshuar u arrestua në Bristol dhe u mbajt në paraburgim gjatë orëve të para të së shtunës, si pjesë e një operacioni të përbashkët midis Londrës dhe policisë lokale.
Që nga e mërkura ai ndodhej në spital për shkak të plagëve të marra. 36-vjeçari do të transferohet në Londër për t’u marrë në pyetje në lidhje me ngjarjen.
Hetimet kanë nisur që kur valixhet me mbetje njerëzore u gjetën në urën e famshme në Bristol, rreth 100 milje (160 kilometra) në perëndim të kryeqytetit, të mërkurën.
Oficerët besojnë se e dinë identitetin e dy viktimave meshkuj, por “identifikimi zyrtar ende nuk ka ndodhur”. Sipas CNN policia po punon për gjetjen dhe informimin e të afërmve të tyre.
Policia më pas gjeti mbetje njerëzore në një apartament në perëndim të Londrës, të cilat ata besojnë se janë të lidhura me pjesët e trupit të gjetura në Bristol.
