Kryeministrja italiane Giorgia Meloni u shfaq e nervozuar në mëngjesin e së enjtes, ndërsa ajo dhe liderë të tjerë botërorë prisnin që presidenti Biden dhe sekretari i përgjithshëm i aleancës, Jens Stoltenberg, të hapnin ditën e tretë të Samitit të NATO-s.
Duke folur me presidentin finlandez Alexander Stubb, ajo ngriti sytë nga tavani, shkruajnë mediat e huaja, përpara se të bënte shenjë me kyçin e dorës.
Një person i tretë që po dëgjonte bisedën më pas nxori telefonin e tij për të kontrolluar orën, dhe ajo përsëri rrotulloi sytë përpara se të dallonte se kamerat ishin të fokusuara tek ajo.
Është e paqartë se çfarë po diskutonin liderët, por reagimi tërhoqi vëmendjen e të gjithëve.
Biden dhe Stoltenberg më në fund hapën ditën e tretë të samitit rreth orës 10:40 të mëngjesit, pasi Biden u largua nga Shtëpia e Bardhë për në samitin gati 20 minuta pasi ishte planifikuar të fillonte aktiviteti.
Shtëpia e Bardhë gjithashtu e shtyu konferencën për shtyp të Bidenit në orën 6:30 pasdite.
Kjo nuk është hera e parë që presidenti 81-vjeçar e mban Melonin në pritje këtë verë.
Ai ishte i fundit nga liderët që mbërriti në takimin e G7 të muajit të kaluar në rajonin e Pulias të Italisë.
“Nuk duhet të lini një grua të presë kështu”, i tha Meloni Biden-it me humor.
