Presidenti kroat Zoran Millanoviq, ka konfirmuar para gazetarëve se do të kandidojë për një mandat tjetër si presidenti i Kroacisë.
I pyetur se kur do të shpallë kandidaturën e tij, Millanoviq u përgjigj shkurt: “ja tani”, duke hequr të gjithë dilemat nëse do të jetë sërish në garë.
“Pres mbështetjen e SDP-së, do të më duhet, për një sërë arsyesh, që të mos më grabisin. Kam njohuritë dhe përvojën më të madhe nga të gjithë kandidatët e mundshëm, por sigurisht kjo nuk është asnjëherë vendimtare, nuk duhet të jetë as tani”, tha Milanoviq.
“Përsëri kandidoj për president të Republikës së Kroacisë, kam njohuritë dhe përvojën më të madhe nga të gjithë kandidatët e mundshëm dhe edhe pse kjo nuk është gjithmonë vendimtare”, shkroi ai më pas edhe në rrjetin social Facebook.
Ishte folur prej kohësh së Millanoviq do të rikandidojë, por se deri më sot nuk ka patur ndonjë konfirmim zyrtar nga ana e tij.
