Ishulli italian Capri ndaloi sot ardhjen e turistëve për shkak të problemeve me furnizimin e ujit nga kontinenti.
Kryebashkiaku Paolo Folco shpalli ndalimin në orën shtatë të mëngjesit, si rezultat i të cilit disa tragete tashmë në rrugën e tyre për në ishull u detyruan të ktheheshin prapa.
Kompania e ngarkuar me furnizimin me ujë të ishullit tha se kishte përjetuar vështirësi teknike të enjten dhe megjithëse më vonë njoftoi se i kishte zgjidhur ato, Capri është ende pa ujë.
Gjatë shpalljes së ndalimit, Falco paralajmëroi për një "situatë vërtet të jashtëzakonshme", duke thënë se megjithëse kishte pak ujë në ishull të premten, rezervuarët po zbrazeshin.
"Situata po përkeqësohet me mijëra turistë që vijnë në Capri çdo ditë," tha ai.
Banorët e ishullit afër Napolit kanë të drejtën e 25 litra ujë të pijshëm për familje, njoftoi kryebashkiaku.
Ndalimi i ardhjes së turistëve do të mbetet në fuqi deri në një njoftim të dytë, shtoi ai. Capri, një ishull i njohur për vilat e bardha, gjiret dhe hotelet kryesore, ka rreth 13 mijë banorë.
