Një diller shqiptar i drogës, i cili u kap me disa kilogramë kokainë dhe përfundoi në burg, po raportohet se është në mesin e 27 mijë apeleve rekord nga emigrantët që përdorin ligjet e të drejtave të njeriut për ta bllokuar dëbimin nga Britania e Madhe.
Siç ka raportuar “Telegraph“, Bledar Vranaraj, 45 vjeçar, ka apeluar vendimin për dëbim me arsyetimin se kjo do të shkelte të drejtat e tij për një jetë familjare.
Vranaraj kishte përfunduar në Britani të Madhe në në vitin 1998, kur pretendoi rrejshëm se ishte refugjat kosovar.
Ai filloi një lidhje në të njëjtin vit me një franceze me të cilën ka dy fëmijë. Asaj iu dha leje e pacaktuar për të qëndruar nën skemën e zgjidhjes së BE-së, duke e lejuar atë të pretendonte të drejtën për të qëndruar si familja e saj.
Pretendimi i tij, i cili po kundërshtohet nga Zyra e Brendshme, është zvarritur për gati gjashtë vjet pa zgjidhje, duke shtuar numrin e 27,000 apelimeve që presin të dëgjohen në gjykatë.
