Një turiste kineze është shpëtuar pas 36 orëve që ishte zhdukur nga një plazh në Japoni.
21-vjeçarja, identiteti i të cilës nuk është zbuluar, është “marrë” nga uji derisa po notonte në plazhin Shiraham të hënës. Ajo kishte me vete një gomë shpëtimi në formë rrethi.
Miqtë e saj me të cilët ajo ishte kishin informuar policinë, të cilët menjëherë filluan operacionin e kërkim-shpëtimit së bashku me zjarrfikësit dhe rojet bregdetare të Japonisë.
Gruaja u gjet nga një anije mallrash rreth 80 kilometra larg brigjeve në mëngjesin e sotëm. Ajo ishte dehidratuar por me vetëdije të plotë u tha nga rojet bregdetare.
Turistja tha se e gjeti veten “mes” deti, pasi për 30 minuta notoi dhe u mundua të kthehet në plazh por pa ndonjë sukses.
Ajo u mor nga helikopter i rojave bregdetare dhe u dërgua në spitalin e qytetit të Yokohamas.
