Hamasi akuzoi kryeministrin izraelit, Benjamin Netanyahu, të hënën se po vendos pengesa përpara negociatave për armëpushim mes bisedimeve që synojnë arritjen e një marrëveshjeje për t’i dhënë fund luftës në Gaza.
Grupi u bëri thirrje ndërmjetësve që të ndërhyjnë dhe të ndalojnë ato që i quajti “manipulime dhe krime” nga Netanyahu, në një deklaratë në llogarinë e tyre në Telegram.
Netanyahu tha të dielën se çdo marrëveshje armëpushimi në Gaza duhet të lejojë Izraelin të rifillojë luftimet derisa të përmbushen objektivat e tij.
Të hënën, tanket izraelite përparuan në zemër të qytetit të Gazës pas një nate bombardimesh për të cilat autoritetet e Gazës thanë se kishin vrarë dhjetëra, edhe pse negociatat shumëkombëshe për një marrëveshje armëpushimi u intensifikuan.
“Ndërsa lëvizja Hamas demonstron fleksibilitet dhe pozitivitet për të lehtësuar arritjen e një marrëveshjeje për të ndalur agresionin sionist, Netanyahu po vendos pengesa shtesë në rrugën e negociatave ndërsa përshkallëzon agresionin e tij dhe krimet kundër popullit tonë”, tha grupi, shkruan Reuters.
