Kryeministri i Izraelit, Benjamin Netanyahu, tha të martën se sekretari amerikan i Shtetit, Antony Blinken, e kishte siguruar atë se administrata Biden po punonte për të anuluar kufizimet për dërgesat e armëve në Izrael.
Netanyahu në një deklaratë tha se kur u takua me sekretarin e Shtetit të ShBA-së, Antony Blinken, javën e kaluar, ai shprehu vlerësimin për mbështetjen që Shtetet e Bashkuara i kanë dhënë Izraelit që nga fillimi i luftës kundër grupit islamik palestinez Hamas në tetor.
Por ai tha gjithashtu se ishte “e paimagjinueshme që në muajt e fundit, administrata të ketë mbajtur armë dhe municione për Izraelin”, shkruan Reuters.
