Një numër i aleatëve demokratë afro-amerikanë të zëvendëspresidentes Kamala Harris po planifikojnë të takohen në një telefonatë në aplikacionin Zoom sonte vonë, sipas një personi të njohur me planet e tyre.
Aleatët e zëvendëspresidentes, të cilët drejtojnë operacionet e pjesëmarrjes në votime në të gjithë vendin, janë organizuar në heshtje për javë të tëra për të siguruar që nëse kandidati demokrat tërhiqej mënjanë, Harris do të ishte e pozicionuar mirë për të udhëhequr garën, pa u dukur sikur ata apo ajo po përpiqeshin ta detyrojnë Biden që të largohej, tha burimi për CNN.
Për më tepër, organizata e të drejtave të votës Black Voters Matter tha se ishin "të entuziazmuar" që Biden mbështeti Harris.
“Ne presim që aparati i plotë demokrat të bëjë të njëjtën gjë dhe nëse nuk e bëjnë, ata do të humbasin këto zgjedhje”, tha LaTosha Brown nga Black Voters Matter.
