Kamerat e sigurisë në aeroportin e Tampas në SHBA kanë regjistruar momentin e frikshëm teksa një avioni i shpërthejnë gomat e pasme ndërsa po merrte shpejtësi në pistë për t’u ngritur në fluturim.
Piloti arriti ta ndalojë menjëherë mjetin fluturues dhe makinat e emergjencës pushtuan pistën për të asistuar pasagjerët, të cilët dolën të gjithë pa lëndime.
Një zëdhënës i aeroportit tregon se një hetim ka nisur për incidentin.
Të gjithë pasagjerët u nisën disa orë më vonë për në destinacionin e tyre me një avion tjetër.
