Sekretari i Përgjithshëm i SHBA, Antony Blinken tha sot se dërgimi i sistemeve të mbrojtjes në Ukrainë, si sistemi Patriot dhe të tjerë, është vendimtar për mbrojtjen e infrastrukturës dhe popullit ukrainas, si dhe forcave.
“Çelësi është zhbllokimi i investimeve ekonomike në Ukrainë. Është puna numër një për Ukrainën dhe Aleancën, por është vetëm një pjesë e paketës që kemi bërë së bashku”, tha ai në Uashington në Samitin e NATO-s.
Zyrtari amerikan tha se “në këtë moment” dërgesa e aeroplanëve luftarakë F-16 të ofruara nga Danimarka dhe Holanda po shkojnë në Ukrainë.
“Ata tashmë do të fluturojnë këtë verë mbi Ukrainë”, tha Blinken, shkruan bbc.
Ai vuri në dukje se për të, suksesi është një Ukrainë e pavarur dhe e fortë, e integruar në NATO dhe Bashkimin Evropian dhe një që “qëndron në këmbët e veta si ekonomikisht dhe demokratikisht”.
“Ukraina është në atë rrugë. Ne kemi një paketë të gjerë që ndërton urën e Ukrainës me NATO-n”, tha Blinken.
Sekretari vlerësoi se trajektorja ekonomike e Ukrainës është në një gjendje “kritike”, pasi Ukraina ka kapacitetin për të operuar një industri të mbrojtjes për veten dhe të tjerët, por se “investimet fizike” duhet të mbrohen. Udhëheqësit e NATO-s u mblodhën në një samit në Uashington, ku aleanca feston 75 vjetorin e saj më 9, 10 dhe 11 korrik.
