Roja Bregdetare amerikane ka sekuestruar kokainë me vlerë më shumë se 63 milionë dollarë në shtetin amerikan të Floridës, në një aksion ku pati shkëmbim zjarri.
“Roja Bregdetare e SHBA dhe partnerët tanë ndërkombëtarë vazhdojnë të përgjojnë përpjekjet e kontrabandës në ujërat ndërkombëtare për të reduktuar fluksin e drogës, për të shkatërruar organizatat kriminale transnacionale dhe për të rritur ndërveprimin me vendet tona partnere”, tha Roja Bregdetare.
Droga u sekuestrua gjatë dy operacioneve, rreth 40 kilometra në veri të Puerto Cabello, pranë Venezuelës.
Në një prej operacioneve u arrestuan tre kontrabandistë dhe droga u gjet më pas në rrënojat e varkës së fundosur të përdorur nga kontrabandistët.
