Osmani përmend rëndësinë e hyrjes në Kosovës në KiE edhe në takim me kryeministrin e Lihtenshtajnit
Presidentja Vjosa Osmani po vazhdon takimet e shumta me liderët botërorë në kuadër të samitit të EPC-së në Londër të Britanisë së Madhe.
Osmani gjatë ditës ka takuar kryeministrin e Lihtenshtajnit, Daniel Risch, me të cilin ka biseduar për thellimin e bashkëpunimit ndërmjet dy shteteve.
“Në takimin tonë të përbashkët në kuadër të Samitit të EPC-së, i shpreha mirënjohjen për partneritetin dhe mbështetjen, duke ritheksuar rëndësinë strategjike të anëtarësimit të Kosovës në organizata ndërkombëtare, me ç'rast potencova në veçanti anëtarësimin në Këshillin e Evropës”, ka shkruar Osmani në një postim në Facebook.
