Eksperti i sigurisë, Drizan Shala ka informuar se qytetarët e Kosovës që kanë zgjedhur ta vizitojnë Spanjën, po maltretohen nga policia e këtij shteti.
Ai përmes një postimi në Facebook kërkoi reagim nga MPJ e Kosovës, derisa tha se policia spanjolle po i keqtrajton qytetarët e Kosovës për mbi 48 orë, kjo duke i mbajtur në zonën neutrale (aeroport), përcjell “Bota sot”.
“Prandaj, ky është një tregues se ka veprime të njëanshme nga autoritetet spanjolle, duke mos respektuar fare procesin e liberalizimit të vizave dhe duke shkelur të drejtat e qytetarëve tanë.
Do të duhej të kemi reagim!”, shkroi Shala.
Postimi i plotë
Ku është MPJ e Kosovës - qytetarët e Kosovës po maltretohen!
Qytetarët tanë që janë për vizitë në Evropë për herë të parë dhe kanë zgjedhur Spanjën (Bacelona), policia e këtij shteti po i keqtrajton qytetarët tanë për mbi 48 orë, duke i mbajtur në zonën neutrale (aeroport) me arsyetimin se nuk kishin aeroplanë për Kosovë.
Ndërsa, në anën tjetër nuk i kanë lejuar të kthehen (nga zona e aeroportit ndërkombëtar) në qytet për të marrë alternativa të tjera për lëvizje drejt Kosovës!
MPJ e Kosovës nga informacionet që kam nuk përgjigjet në telefon, as ambasadat tona që janë afër shtetit të Spanjës.
Prandaj, ky është një tregues se ka veprime të njëanshme nga autoritetet spanjolle, duke mos respektuar fare procesin e liberalizimit të vizave dhe duke shkelur të drejtat e qytetarëve tanë.
Do të duhej të kemi reagim!
