Profesori nga Parisi, Nezir Kraki ka reaguar në lidhje me vrasjen e Faton Hajrizit nga autoritetet serbe.
Ai përmes në postimi në Facebook i shprehu ngushëllime familjes së Fatonit, ku tha se ishte një “humbje e panevojshme, e paarsyeshme dhe e padrejtë”.
Po ashtu, Kraki tha se Hajrizi “ka qenë e zeza e vetit dhe tash po shkon në mënyrën më të keqe”.
Postimi i plotë
Humbje totalisht e paarsyeshme sikurse ishte e paarsyeshme ideja e tij me shku n’Evropë duke qenë person n’kërkim.
Prej fillimit, qysh e thash dje, ky djal ka qenë e zeza e vetit dhe tash po shkon në mënyrën më të keqe.
Në disa video të para një viti dukej djal i zgjut me ide të qarta për gabimet që s’duhet të përsëriten. Sinqerisht pata shpresu që ikjen nga burgu e kishte bërë si shenjë proteste me denoncu diçka. Dhe isha i bindur që, në bazë të asaj që thoshte, do kthehej në sistemin e Kosovës me e kry dënimin dhe me fillu jetën e tij të re.
Duhet të jenë idiota ata që ia kanë mbush mendjen dhe e kanë ndihmu me e marrë rrugën e Evropës përmes Serbisë.
Ngushëllime familjes së tij.
Humbje e panevojshme, e paarsyeshme dhe e padrejtë.
