Analisti politik Ilir Deda, vlerëson se atentati ndaj ish-presidentit amerikan Donald Trump, do t’i mundësojë atij që t’i rritet epërsia në zgjedhjet presidenciale, ku po garon me presidentin aktual Joe Biden.
“Do ta forcojë përkrahjen për ish-presidentin Trump, dhe besoj se do ta thellojë epërsinë e tij që e ka ndaj presidentit Biden, sidomos me zgjedhjen që e bëri tash për kandidat për zëvendës së tij”, u shpreh ai.
“Mendoj se kjo është një lloj drame në Amerikë e cila po ndodh për shkak të një polarizimi ku të dy anët kanë ndikuar, dhe e kanë ushqyer atë polarizim së paku gjashtë vitet e fundit ku ditët e sotme njerëzit në Shtetet e Bashkuara duken si dy popuj të ndryshëm, sepse nuk ka gjë që i bashkon”, shtoi Deda.
“Politikanët i thonë lehtë fjalët nuk i masin, por njerëzit i besojnë, kur ti i thua se ky do ta shkatërrojë demokracinë në Amerikë¸apo Trumpi thotë për Bidenin se këta janë elita që duan të më vrasin, e kemi një moment të tillë. Të shohim sa do të ndryshojnë retoriken përbashkuese, unë besoj që epërsia e tij (Trumpit) do të rritet”.
