Zgjedhjet kantonale në Fribourg po afrohen dhe shqiptarët kësaj radhe kanë një mundësi më shumë për të dalë në votime. Ibrahim Berisha është i pari dhe i vetmi shqiptar që kandidon për këto zgjedhje në Parlamentin kantonal që mbahen më 6 nëntor të këtij viti në Fribourg.
Berisha, me origjinë nga Komuna e Rahovecit është 45- vjeçar me profesion gastronom, por aktivitetet poltike asnjëher nuk i ka anashkaluar.
Ai kandidon në këto zgjedhje nën siglën e Partis Socialiste pasi siç deklaron ai për “Botën sot” , PS është partia që i mbron të drejtat e të gjithëve në territorin e Zvicrës.
“Unë jam shqiptari i vetëm në kantonin e Fribourgut për deputet , dhe pres mbështetjen e shqiptarëve në këtë proces zgjedhor” ka shtuar më tej Berisha për gazetën “Bota sot”.
