Triumfit historik të Majlinda Kelmendit në Lojërat Olimpike “Rio 2016” i kanë kushtuar rendësi edhe mediat ndërkombëtare.
CNN e ka cilësuar historike fitoren e medaljes së parë të artë olimpike nga shteti i Kosovës.
“Histori! Majlinda Kelmendi fiton medaljen e parë olimpike për Kosovën... dhe është e artë!”, ka shkruar CNN.
Ndërsa edhe prestigjiozja angleze BBC ngjashëm ka shkruar për triumfin e Majlinda Kelmendit.
“Historike për Kosovën. Majlinda Kelmendi ia fiton medaljen e parë olimpike – dhe është e artë!”, shkruan BBC.
Ndërsa Reuters ka treguar rrugën e Kelmendit drejt suksesit historik dhe ka kujtuar se si Kosova kishte probleme politike që i pamundësuan zhvillimin e ndeshjeve ndërkombëtare sportive.
“Kelmendi bëri historinë me ar për Kosovën”, shkruan Reuters.