Disa njohës thonë se volejbolli në periudhën e kohës së okupimit (1991-1999) ka qenë më cilësor se ky i tashmi. Disa e thonë të kundërtën, pra volejbollit i sotëm është më cilësor, megjithëse se është vështirë të bëhet një krahasim i asaj periudhe me të sotmen.
Megjithatë, në bazë të emrave del më cilësor se ky i sotmi, nëse bazohemi në cilësitë që kanë pasur Feime Shala, Makfire Brestovci, Mimoza Shkodra, Ganimete Gërbovci, etj. Gjenerata e vitit 1997 e KV Dritës nga Gjilani (shihet në foto) nuk e ka pasur fatin të garojë në garat evropiane, për shkak se ato atëkohë më shumë kanë luajtur në fushat të improvizuara e të përndjekura nga regjimi kriminal i Serbisë, kurse kjo gjeneratë e tashme ka tjera kushte, luajnë në palestra dhe në kushte maksimalisht më të mira.
