By Pass-i i Vlorës mbetet pezull, “Serenissima” shpall falimentin - Bota Sot
By Pass-i i Vlorës mbetet pezull, “Serenissima” shpall falimentin

Vlora

E shtunë, 23 qershor 2018

By Pass-i i Vlorës mbetet pezull, “Serenissima” shpall falimentin

Më: 9 qershor 2018 Në ora: 22:28
Vlorë

Në kantierin e ndërtimit të By Pass-it të Vlorës, prej më shumë se një viti nuk ka më asnjë mjet dhe punëtor. Firmat nënkontraktore shqiptare kanë braktisur këtë kantier ndërtimi, pasi nuk janë paguar nga kompania Serenisima, e cila kishte fituar tenderin për të kryer punimet në këtë By pass.

Vonesat në ndërtimin e By-Passit të Vlorës, i kanë sjellë dëme të konsiderueshme shtetit shqiptar. Raporti i auditit të KLSH-së gjeti shkelje në mosrespektimin e afateve.

Deri tani nga projekti në By-Passin e Vlorës janë kryer vetëm 10% të punimeve, ndërkohë që kontrata parashikonte përfundimin e tyre në shtator të këtij vitit 2016.

Ndërtimi i Bypass-it të Vlorës është i rëndësisë së lartë dhe pretendohej se do të ndërtohej brenda standardeve evropiane, ndërsa do t’i jepte frymëmarrje lëvizjes në qytetin e Vlorës, si dhe do të përmirësonte qarkullimin në jug.

Gjatësia e këtij aksi është 29 km me një fond prej 53 milionë eurosh. Sakaq kompania ka shpallur falimentin në shtetin fqinjë të Italisë, ku është e regjistruar, duke përjashtuar përfundimisht çdo mundësi për dëmshpërblim ndaj shtetit shqiptar.

Komentet
comments powered by Disqus
Sot mund të lexoni Shfletoni kopertinat
Sondazh
test