Shumë artistë shqiptarë po bëjnë krenarë gjithë kombin për arritjet në tregun ndërkombëtar.
Ndër ta janë edhe Rita Ora dhe Ermal Meta, ky i fundit tregoi sukses të jashtëzakonshëm me përfaqësimin e Italisë në “Eurovizion”, shkruan lajmi.net.
Kryetari i Bashkisë së Tiranës, Erion Veliaj ka konfirmuar përmes rrjeteve sociale se Rita Ora dhe Ermal Meta po vijnë në Shqipëri.
“Qershori nis me shumë surpriza! [????]
Ermal Meta dhe Rita Ora, këtë herë zbresin në arenën më të bukur të gjithë shqiptarëve- Sheshin “Skënderbej”! Merr miqtë e familjen dhe shihemi të gjithë në shesh, më 1 dhe 3 qershor!”, shkruan Veliaj në njoftimin e tij.
Pra, Ermal Meta performon më 1 qershor, ndërsa Rita me 3, meqë rast pritet që të dy artistët të dhurojnë shou të vërtetë.