Kur na ndajnë pak kohë nga ndërrimi i viteve, gjysma e Tiranës kanë mbetur pa energji në shtëpitë e tyre si pasojë e një defekti në nënstacionin e ish-uzinës Traktori.
Pa energji elektrike mësohet se është “Rruga Bardhyl”, zona e Brrylit, tek Materniteti i ri, “Ali Demi”, Shkoza dhe fshatrat përreth.
OSHEE ka reaguar duke sqaruar se për shkak të një defekti në rrjetin 110 kV të OST, ka mbetur pa punë nënstacioni i Traktorëve, duke lënë pa energji elektrike zonën përreth.
“Aktualisht brigadat e OST janë duke punuar me manovrimin e linjave, për t’i dhënë energji nënstacionit në drejtim tjetër”, thuhet në njoftimin e OSHEE.