Kush janë dy këshilltarët e Lëvizjes Besa që votuan pro kandidatit të BDI-së në këshillin e Tetovës - Bota Sot
Kush janë dy këshilltarët e Lëvizjes Besa që votuan pro kandidatit të BDI-së në këshillin e Tetovës

Tetova

E mërkurë, 20 qershor 2018

Kush janë dy këshilltarët e Lëvizjes Besa që votuan pro kandidatit të BDI-së në këshillin e Tetovës

Më: 31 mars 2018 Në ora: 16:31
ilustrim

Lëvizja BESA “e Bilall Kasamit”, Dega e Tetovës ka reaguar lidhur me votimin e dy këshilltarëve Veli Abduli nga fshati Xhepçisht dhe Ganimete Rexhepi nga Reçica e madhe, për të përkrahur kandidatin e BDI-së për kryetarë të këshillit komunal të Tetovës.

“Njoftojmë opinionin publik se votimi i dy këshilltarëve Veli Abduli nga fshati Xhepçisht dhe Ganimete Rexhepi nga Reçica e madhe, për të përkrahur kandidatin e BDI-së për kryetarë të këshillit komunal të Tetovës, është në kundërshtim me vendimin e degës së Lëvizjes Besa-Tetovë.

Një herë njoftojmë opinionin se distancohemi nga një veprim i tillë, të cilin e vlerësojmë si tradhti të votuesve të Lëvizjes Besa, për çka konform statutit do të ngremë para organeve partiake procedurë adekuate që të ndërmerren masa disiplinore”, thuhet në reagimin e Lëvizjes Besa.

Në reagim po ashtu thuhet se “deri në njoftimin e radhës veprimet apo qëndrimet e këshilltarëve në fjalë nuk paraqesin qëndrimet e degës së Lëvizjes Besa”.

Komentet
comments powered by Disqus
Sot mund të lexoni Shfletoni kopertinat
Sondazh
test